Ad Completorium¶

Sancte Michael Archangele, defende me in praelio, ut non peream in tremendo iudicio. Amen. V. Converte nos Deus salutaris noster, R. Et averte iram tuam a nobis. V. Deus in adiutorium meum intende: R. Domine ad adiuvandum me festina. Gloria Patri et Filio et Spiritui Sancto. Sicut erat in principio et nunc et semper et in saecula saeculorum. Amen. Alleluia.Vel a Septuagesima usque ad Pascha: Laus tibi Domine Rex aeternae gloriae.

Hymnus¶

Christi crucem tunc praeferes In gloria triumphans: Coelo beatos inferes, Et tartaro malignos.

Antiph. Matth 13¶

In consummatione saeculi exibunt Angeli, et separabunt malos de medio iustorum, et mittent eos in caminum ignis ibi erit fletus et stridor dentium. V. Trophaeum crucis feret Archangelus Michael: R. Cum Dominus ad iudicandum venerit.

Oremus¶

Summae sedis minister, Princeps militiae coelestis, et signifer curiae supernorum Sancte Michael Angele piissime, Archange placidissime tibi corpus et animam meam tota intentione tuendam commito, tibi specialiter post Deum et Deigenitricem, vitae et mortis meae curam commendo, te hodie et quotidie in praesentia totius coelestis curiae pro singulari Patrono, Protectore et Advocato meo eligo, obsecro igitur te per gloriam illam, qua in coelo iam frueris, ut hoc propositum meum, et gratum habeas syncerum hunc affectum erga te meum. O serve Dei excesi sancte Michael, ego te saluto millies et millies, ego te veneror et invoco, ego in augmentum gaudii ac gloriae tibi offero totius boni, totiusque beatitudinis gazophilacium, cor Iesu Christi dulcissimum. Gratias ago ipsi Domino Deo nostro pro beatitudine, quam tibi contulit, et pro eo, quod te sic super alios Angelos suos, nominari, praedicari, et honorari, et exaltari voluit. Adesto mihi nunc et semper, at maxime in fine vitae meae, ipsum obitum meum attentius tibi commendo, benigne me tu consolare, conforta et protege. Impetra mihi augmentum fidei, spei, et charitatis, non permittas me Sancte Michael, nec in vita, neque in morte a Sancta vide Catholica deviare, nec in foveam desperationis deduci, neque de operibus meis bonis, quae cum divina gratia operatus sum, praesumere. Impetra mihi plenam omnium peccatorum meorum veniam, et spiritum bonum, ac sanctam gratiam, et ut illi perfecte reconcilier, illique iugiter placeam, et ut sim homo secudum cor Dei, et illum amplius non offendam. Impetra mihi veram et profundam humilitatem, et alias virtutes omnes, office tuis gloriosis precibus et meritis ut anima mea tota munda hinc exeat, et ad vitam aeternam perveniat. Insuper rogo te praeclarum atque decorum summe Divinitatis ministrum, ut in novissimo die benigne suscipias animam meam in sinu tuo sanctissimo, et eam comitantibus Angelo custode meo, et Angelis tuis, ad requiem sempiternam cum exultatione perducas. Amen.

Commendatio¶

Has horas canonicas cum devotione dixi, sancte Michael, tui ratione, precor me suscipias mortis in agone, et praesentem statuas in coeli regione. Amen.