Ad Nonam¶

Sancte Michael Archangele, defende me in praelio, ut non peream in tremendo iudicio. Amen. V. Deus in adiutorium meum intende: R. Domine ad adiuvandum me festina. Gloria Patri et Filio et Spiritui Sancto. Sicut erat in principio et nunc et semper et in saecula saeculorum. Amen. Alleluia.Vel a Septuagesima usque ad Pascha: Laus tibi Domine Rex aeternae gloriae.

Hymnus¶

Mentes solutas corpore Tu suscipis benigne Beatus est quicumque te Tunc senserit patronum.

Antiphona Iosue 5.¶

Cum esset Iosue in agro urbis Iericho levavit oculos, et vidit virum stantem coram se evanginatum gladium tenentem perrexitque ad eum et ait: noster es an adversariorum? qui respondit, nequaquam, sed sum Princeps exercitus Domini, et ecce venio. V. Exurge in occursum meum Sancte Michael: R. Et suscipe animam meam.

Oremus¶

O victoriose triumphator Archangele Sancte Michael, te humiliter deprecor, ut in die exitus animae meae, uti semper promptus fuisti in omni periculo animarum fidelium, maximeque earum, que te specialius amarunt, et tibi devote servierunt; mihi quoque cum Angelis tuis tuoque exercitu personaliter adesse, mihi subvenire, pro me pugnare et animam meam in benedictas manus tuas suscipere, et ad coeleste regnum deferre digneris. Amen.