Ad Primam¶

Sancte Michael Archangele, defende me in praelio, ut non peream in tremendo iudicio. Amen. V. Deus in adiutorium meum intende: R. Domine ad adiuvandum me festina. Gloria Patri et Filio et Spiritui Sancto. Sicut erat in principio et nunc et semper et in saecula saeculorum. Amen. Alleluia.Vel a Septuagesima usque ad Pascha: Laus tibi Domine Rex aeternae gloriae.

Hymnus¶

Primos parentes flebiles Solatus es post lapsum; Dicens, eos a Filio Dei, futuros salvos.

Antiphona Ex Daniel¶

Princeps regni Persarum restitit mihi viginti et uno diebus, veruntamen Michael Archangelus, Princeps magnus, qui stat pro filiis populi tui, erit adiutor meus. V. Sancte Michael Archangele, R. Ora pro nobis Deum.

Oremus¶

Deus, qui ex tua ineffabili bonitate, Sanctum Michaelem Archangelum tuum ad nostra defensionem mittere dignaris: te suppliciter deprecamur, ut eodem pro nobis intercedente Angelico suffragio, a subitanea morte et aeterna damnatione, nos eripias, et in regno tuo collocare facias, in quo cum eodem Principe et Archangelo, atque omnibus Sanctis in perpetuum te laudemus et glorificemus. Amen.