Ad Sextam¶

Sancte Michael Archangele, defende me in praelio, ut non peream in tremendo iudicio. Amen. V. Deus in adiutorium meum intende: R. Domine ad adiuvandum me festina. Gloria Patri et Filio et Spiritui Sancto. Sicut erat in principio et nunc et semper et in saecula saeculorum. Amen. Alleluia.Vel a Septuagesima usque ad Pascha: Laus tibi Domine Rex aeternae gloriae.

Hymnus¶

Tu, sicut olim iussus es praeesse Synagogae; Nunc factus es Ecclesiae Protector universae.

Antiphona¶

Princeps gloriosissime Michael, Dux coelestium exercituum, susceptor animarum debellator malorum spirituum, Ecclesiae Dei post Christum admirabilis et grandis excelentiae et virtutis, rector, omnes nos reclamantes ad te ab omni libera adversitate, et in omni cultu Dei facias proficere, tuo preciosissimo officio et dignissima prece. V. Ora pro nobis Michael. R. Ut digni efficiamur promissionibus Christi.

Oremus¶

Omnipotens sempiterne Deus qui saluti humanae naturae, ex summa clementia tua, gloriosum Principem Ecclesiae tuae Michaelem Archangelum mirabiliter deputasti: concede propitius, ut eius salutari subsidio hic mereamur ab omnibus hostibus tueri efficacissime, et in obitu nostro ab omni tentatione liberari, tuaeque excelsae maiestati beatifice per eum presentari. Per Christum Dominum nostrum. Amen.